「滋味和牛海鮮之旅」自助晚餐@ Spice Market

6月8日是我和大少爺的結婚八週年紀念日。 由於大少爺要返 Night Shift 關係, 我們的慶祝活便順延一天。唔知點解好想吃肉, 可能早前去意大利出差成日都食 pasta, pizza 及芝士。好想吃一頓 medium rare 的牛扒。

如果去 Dan Ryan 又嫌太 heavy 及太大份, 最後大少爺的心水選擇和牛自助餐。仲話一次過可以滿足我三個願望- 生蠔、和牛和甜品。

冷盤 : 生蠔都幾新鮮唔差的,仲不停添食。如果有耐性, 等肥美的先拎。魚生選擇唔多。其他有龍蝦仔、翡翠螺及凍蝦。

熱盤: 既款式有十幾樣算多仲有蒸魚, 炸子雞及正宗印度咖喱。

爐端燒 : 和牛是主打。味道唔錯及即叫即做。仲無限量供應。還有新鮮即燒的帆立貝呢!

生滾粥 : 有蠔仔有素翅...啲料多少自己執, 不錯。

甜品 : 4款 Häagen-Dazs 雪糕任食仲有不同的 toppings 任加。自製 waffles (朱古力+原味)。兩款不同味道的疏乎里。超過十款的蛋糕及甜品杯。再加朱古力噴泉及豆腐花。

整體真係唔錯, 現在用恆生及滙豐 credit card 仲有75折。抵!