澳洲自駕遊第一天 - 向目的地出發

其待已久的澳洲之旅今日終於出發啦

! 由於今晚乘坐國泰 9:40pm 的夜機去悉尼, 加上公司超多嘢做因為意大利同事 3/16日到香港做 fitting, 所以今日仍然上班。心諗返正我俩已在網上 check-in, 只要 45分鐘前到一定冇問題啦!!

原本打算一放工 6:00pm 立即走人去機場。可惜又事與願唯只怪我一廂情願。結果約了大少爺在青衣地鐵站, 又唔知點解唔走去坐機鐵而選擇坐地鐵去東涌重要走去轉巴士入機場。頂!! 係唔係想唔去呀?

好彩又趕到wow.....不過真係跑到氣咳, 結果我們是最後一個上飛機 (真係未試過,好驚訝)。

上到機終於可以鬆一口氣了, 現在可以安心睡覺

, 八小時後我們將抵達悉尼的 Kingsford Smith International Airport。我們的旅程開始了!!!

航機上的日出又有另一番感覺......

我們很快便到達悉尼, 澳洲我來了!!