澳洲自駕遊第八天 - 閒遊墨爾本市

由於在GPS的地圖上有多條相同的街道名稱，我們當時又冇留意。結果 GPS 老點我們去咗一條黑漆漆四野無人，仲要伸手不見五指的山路

。我們以時速過佰公里，飛車近個半小時才可離開山路。不過 GPS  繼續帶我們去了一個荒廢的住宅

。結果要打去酒店詢間正確的位置，總算有驚無險在深夜時份到達目的地。因為太疲倦，Check-in 時順手攞咗 late check-out 至中午 12時。可以瞓覺 Lu。

http://www.bayviewhotels.com/bayviewonthepark/

唔知點解今日好想舒舒服服的在市內觀光，喪行百貨公司、Shopping Mall 及 Supermarket 。 好! 決定今天來個 Shopping Day 。

我們駕車離開酒店直去市中心，所有的咪錶又 Full 曬，唔想浪費時間不停找車位，於是求其駛咗入一個停車場。 嘩, 原來日泊要成 Aus$47/day!!! 算啦,遊客嗎......

跟手去咗墨爾本的唐人街，這處的地方及規模都比不上悉尼的唐人街。我們沒興趣吃當地的中菜。只好拍拍照留念罷了。

我們不停的行，最後行到了一間 department store - David Jones 的門口，好鬼想入去 Shop 一番，但大少爺話真係好肚餓 (早餐都未吃呀!!!), 不如食完 lunch 再戰啦。一路行不忘影吓街頭景物。

我們行去橫街的 Cafe ，但大少爺又話唔想吃麵飽、唔想淨吃沙律或 Wrap 的東西、更唔鐘意飲 coffee，他要吃牛扒。頂,要求多多 !!!! Lunch 冇扒食呀少爺........

最後找到一間有 Roasted Beef + vegetable 。我就食 chicken + caecer salad，不過全部都唔好食。D Roasted Beef 好硬亦唔 juicy，雞冇味及唔脆。但個 Caecer Salad 好好食。

不經不覺已行了好幾個小時，因為我們明天去大洋路，所以今晚將會住在 Geelong 。係時候出發了，同場加映幾張 Snap Shot ...........

我們住的酒店是一間很古舊的 Motel。到達酒店時只是傍晚七點左右，但 reception 已經 closed (朝九晚五)。不過個 receptionist 好好人，等到我們 check-in 完先走。

http://www.nireedaapartments.com.au/

預告 : 我們明天會和木頭公仔有個約會，亦會在大洋路飛馳。