新手駕駛 - 回家篇

話說我和大少爺送了老爺、奶奶及叔仔一行人回家後, 我們便由深井經青山公路回家。其間發生了一件好好笑的事情。我一直都跟著大少爺的車, 當然新手的我絕對保持和前車有一段行車距離並盡可能行左線。

唔知是否近期警察捉快相、鐳射槍的攻勢太強, 又或是我隻馬仔的問題

? 我一路都保持大約時速50km左右, 並在左線行車。奇怪的事是竟然有四、五部車全部排隊的跟在我車的後面, 當時快線行車暢順並且沒車的。它們沒有一架車夠膽扒頭 cut 線, 仲要跟足我成大半條街

。最後竟然是一輛城巴帶頭cut 線, 其他車輛絕塵而去 lu。後來大少爺話其他司機覺得我架車冇可能在行車暢順的情況下揸得慢成咁 wow。他們直覺有快相或 road block, 所以唔夠膽快唯有二仔底死跟。殊不知是我這個新人作怪呢。哈哈!!

我的馬仔

新手駕駛 - 多多包函

星期四奶奶來電, 老爺及叔仔等人將於星期六到我們家拜年。無錯是「拜年」, 他們真係會帶備生果及糖果呢!! 雖然我們十萬個不願意, 但99堅持話他們新年沒到我們家拜年, 現在要補回。我們也在沒辦法下答應了, 不過我將聚會時間由下午茶時間改為晚飯打邊爐等我多D時間執屋。

他們一行六人大約五點半到達(唔知點解咁早

呀), 我就忙於準備一切約八時半有得食啦!! 不知不覺我們用膳完畢 + 吹水後都已十時多了。雖然他們住在附近,但仍需十分鐘車程呢。

好戲開始了.......

由於家中沒有七/八座位車, 我家大少爺提議用兩部車, 即我和他一人一部送他們回家。唔係化又係我

。沒辦法啦, 好就當係練車吧!! 喂!喂!喂! 新手上路呀

!!!  No No No 應該係「雪條」上路至真, 最后大少叫咗老爺坐在我隔離。其實真係有D驚, 又驚駕駛技術差給老爺話。加上架車剛剛換了一套新的車頭燈(大少爺送的禮物)。好彩最後都可以順利過關。老爺和奶奶都話 0K 並叫我比D信心練多D應該冇問題

。

我會再練車架, 各位小心上路!

德爾哥比風蘋果蛋糕

今日是情人節，不過我和老公都無打算外出用膳，唔知點解現在好唔喜歡人多人迫的地方，再加上餐廳所供應的一式一樣情人節套餐，真係興趣唔大。這個浪漫的節日唔通又和平日一樣渡過嗎?

今年決定同老公買餸玩煮飯仔。雖然我們都係煮一餐家常便飯，但一頓完美的飯餐怎能沒有甜品作為終結呢!

平日多數整芝士蛋糕或 Mouse 蛋糕，但我家大少爺不喜歡食 Mouse 蛋糕，他話太過 Creamy

。於是在"大少奶"網誌中找到一個好簡單又冇Creamy 的蛋糕食譜並決定試o下整。我想個蛋糕較為厚身，於是用左個半的分量去做。本來食譜只在蛋糕面放上蘋果，但我喜歡再在中間放多些。最后發現忘記了買果醬，結果用了柚子蜜把蛋糕變得閃令令

。

這個蛋糕真係好香牛油味但其實牛油的分量不是太多，加上有蘋果的關係味道變得比較清新，亦沒有牛油蛋糕的油膩。

食譜引用自: http://hk.myblog.yahoo.com/jw!DcxzHG2bBhZrEAWNm6wiWrwYTP8-/article?mid=19981

渣打馬拉松

今日是一年一度渣打國際馬拉松的日子。這個比賽在香港已經不知不覺舉行了十三個年頭, 而且一年參加的人數比一年多。同時衣亦吸引了很多外國的長跑健兒來香港比賽作為他們其他國際賽事的預賽呢。

我很幸運地早在三年前渣打國際馬拉松十週年時"被迫"參加。當時要參加這些"比面派對"真係十萬、,千萬個不願意。因為我是不太愛跑步加上從小到大身形比較肥胖加 Muscular。現在這個的經驗在我的人生又多了一個話題、又有一點啟發。

我當年的路線是尖沙咀美麗華酒店出發, 沿途經西隧再到金紫荊廣場為終點。其實成個比賽都很辛苦尤其跑過西隧, 主因是冇練習準備不足。最初的15至20分鐘起步快, 但用盡了自己的力去跑, 但很快體力不夠, 去到中段卻要停下來喘氣。當停了, 就更難起步了。原來長跑的正確態度是需要保持平均速道, 在最后離終點前100 - 200米開始發力再衝線。

其實人生不是這樣嗎? 如果做每件事都冇準備只有衝、衝、衝, 很快人都已經筋皮力盡。還有能力做到最好嗎? 如果當下你覺得難捱, 自我反思重新振作、再咬緊牙關捱過了，人又會變得輕鬆 D，做事便會事半功陪啦! 

我很多謝給我這個機會的人，亦祈望我有機會在2016年的國際馬拉松再次參賽。

灣景國際賓館灣景廳@灣仔

每逢新年我們這班相識於中學時代的好友一定搞團拜。今年新年前已約定年初七, 但地點由我喳主意。由於我們住的地方遍佈港、九、新界, 最后選定了港島區因小妺家晚上有聚會。最頭痛的是去邊處食

? 食嘜野呢

? 我們一行十人其中有兩個小朋友, 本來打算去酒樓飲茶, 心想酒樓坐唔耐食完要即走, 小朋友必定悶死。哈哈!! 不如來個 lunch buffer 大人可以盡情暢談, 小朋友又可以自由走動。

在網上查閱后, 灣景廳的自助午餐價錢只是 HK$98.00+10% 非常合理。決定抱著一試的心情去享用。 我訂了12:00pm 的檯, 去到環境幾舒服而大約有八成客人。

出到去囉嘢食, 雖然不是 d貴價食物, 但以午餐來計, 已是好不錯呢

。頭盤有三文魚及立魚刺身、 壽司、自助沙律吧及雜錦 cold cut, 好新鮮。熱盤有雞粥, 卥水雞翼, 豬扒, 炒麵, 燒賣, 牛肉, 咖啡牛肉, 豬腳薑, 即炒/灼通粉 (以車仔麵形式), 雜菜湯;又到了最愛的甜品有芝士餠、brownies、chocolate mousse、Tiramisu等等, 雀巢雪糕(4款味道), 糖水, 涼粉及水果。最后咖啡、茶及果汁任飲。味道很不錯呢。

最重要係, HSBC、DBS 同恆生 card 都有８５折呀！仲可以座到3時多 (last order 2:30pm) 都唔主動叫你走。又一聚餐好地方

。