新年前的一個星期, 因為D廠放晒假, 係公司真係渡日如年
大約7時左右到, 未見人頭湧湧並有好位(不係面壁的位)。由於第一次來, 我問舖頭伙計有什麼推介必食的粥品, 最后我哋叫咗鴨腎菜乾豬骨粥, 燒鴨拼豬膶腸粉及炸兩。
1. 鴨腎菜乾豬骨粥 - 料 OK多, 不過唔夠綿, 豬骨頭較多下次叫少骨。有菜乾但冇鴨腎。
2. 燒鴨拼豬膶腸粉 - 唔太熱, 腸粉皮夠薄。d 燒鴨係有肉汁和新鮮的, 而豬潤係一粒粒, 厚身少少既, 放在腸粉內仲有少少起沙添。未食之前本來覺得有D怪怪, 原來又幾夾喎.
3. 炸兩 - 幾好食但不太好睇, 滑滑的布拉腸粉包著脆口的油炸鬼。
在冬天天氣下，老公話粥及粉腸份量太過「輕盈」, 食完都係唔飽但又晤想加碼, 要轉戰再食。
今年過年前的一星期可謂最嘆, 由於我們要求的樣辦工廠大部份已做好並寄出。同時亦都準備年尾收爐。加上我的外籍上司去咗泰國+孟加拉出差。成個星期都係心散 + 無心工作 ing。一於準時放工回家。
我媽媽家裡的親戚對食物很有要求,但同時烹調煮食亦非常了得。小時候我每年都要到姑婆家幫手做一些下欄的工作如磨蘿蔔。她亦為我們做出多款賀年糕點, 什麼蘿蔔糕、芋頭糕、角仔、糖環等全是自家制出品。
直到自己結婚后, 每年新年都會為家人朋友做下一點點賀年糕點。在年廿七我的自家制 8盒蘿蔔糕 + 3盒芋頭糕終於出品 。其實蘿蔔糕及芋頭糕很易做, 只是要一點點既時間同耐性。幸好我的老公是個好幫手, 幫我磨了15斤蘿蔔及做了少許下欄的工作。仲要做司機送貨添!!
新年和家人朋友分享自己製成的糕點, 相信會特別窩心。
今日是小妺的生日,又大一歲了(不過都係25
)。哈哈!! 我這日的生活跟平日一樣, 同樣亦低調地沒有跟公司同事們說起。我哋兩公婆亦沒有特別安排假期而且照常工作。
這排寒流到港,香港的氣溫持續下跌。我覺得最好不過去 "滾", 平日多數買火鍋牛肉(和興行)、丸類及蔬菜在家裡大"滾"特"滾"。今日點都要出去慶祝一吓呢! 我選擇了佐敦的牛皇星。
其實我哋兩公婆是不折不扣的牛魔王,什麼安格司牛扒、神戶牛柳、清湯腩以致牛肉球都唔放過。我唔係第一次來, 他的招牌菜之一牛脊是本人的最愛,脂肪分佈得很好,牛味較濃但入口溶。跟着再來一客牛柳粒。我們亦也要了不少的其他食物如黑柏葉新鮮爽口; 炸腐皮把腐皮浸到火鍋湯約十秒即吃,非常美味; 仲有老公最愛的珊瑚蚌新鮮很爽加埋一客水餃及蔬菜。這餐都可謂非常完滿。
今次真係食到抱住個肚好滿足! 最后多謝老公埋單。I love you !!!!
昨晚我們又相約好一班年前在北海道旅行相識的朋友一聚, 我們已有一段時沒聚會亦冇影相。趁新一年的開始大家又出嚟 Din 吓,今次朋友選擇了中環吉壽日本料理。起初朋友告之目的地是中環仲要食日本料理,心唸今次一定大出血啦!! 原來是食放題........
朋友 Book 咗 8:45pm 的枱, 我們準時到齊即可入座。這間料理的地方不算太大, d位都真係幾迫。由於我們人多關係, 餐廳安排我們坐在一間貴賓房,真係自成一角點玩都得呀!!
首先我哋第一回合好晤客氣地點了刺身紙上的刺身每人每款一件,再加什麼魚生壽司、和牛壽司。再黎多幾客鉄板燒和牛粒加不同種類的串燒。加多個蟹粥呢。
喂喂喂! 好肚餓呀! 有得食啦! 去片啦 (圖片已是唔知第回合).........
叫左好多好多野食, 總括黎講, 我覺得都0K呀, 平日仲$148 (東亞咭再九折), 係中環食放題咁既價錢抵添啦, 款式都ok多刺身亦都新鮮, 呢晚滿哂座, 都唔會話漏單, 侍應個個都好nice好有禮貌, 汽水仲任飲添。
